انگلش کرکٹر نے شاہین شاہ کے بارے میں بڑی پیشنگوئی کر دی

انگلش ٹیسٹ کرکٹر بھی شاہین کی ہمت و بہادری کی داد دیے بغیر نا رہ سکے انگلینڈ کے ٹیسٹ کرکٹر اسٹورٹ براڈ بھی قومی ٹیم کے فاسٹ بولر شاہین کی ہمت کی داد دیے بنا نہ رہ سکے۔

ٹی ٹوئنٹی ورلڈکپ کے فائنل میں شاہین انگلش کھلاڑی ہیری بروک کا کیچ لیتے ہوئے گرپڑے تھے جس کے بعد وہ دوبارہ گھٹنے کی انجری کا شکار ہوگئے لیکن اس کے باوجود وہ اپنا اگلا اوور کرانے آئے۔

شاہین نے 16ویں اوور کی پہلی گیند کرائی جس کے بعد وہ تکلیف کے باعث اوور مکمل نا کرواسکے اور میدان سے باہر چلے گئے جس کے بعد ان کا اوور افتخار احمد نے مکمل کروایا۔

اسی حوالے سے خبریں زیرگردش تھیں کہ شاہین کے انجری کے باعث دسمبر میں انگلینڈ اور نیوزی لینڈ کے خلاف سیریز نا کھیلنے کا امکان ہے۔

انگلش کھلاڑی نے ایک صحافی کی شاہین کی انجری سے متعلق ٹوئٹ پر ردعمل دیا اور فاسٹ بولر کی بہاردی کو سراہا۔

اسٹورٹ براڈ نے لکھا ‘اگر شاہین انگلینڈ اور نیوزی لینڈ کے خلاف نا کھیل سکے تو یہ ان کے لیے بُری خبر ہوگی’۔

انہوں نے شاہین کو سراہتے ہوئے کہا ‘شاہین نے ثابت کیا کہ وہ کتنا بہادر ہے اور اس میں اپنے کھیل کے لیے کتنی لگن ہے کہ اس نے زخمی ہونے کے باوجود بھی فائنل میں گیند کروائی’۔