جیسے ہی لڑکی گھر سے بھاگی محلے میں بات پھیل گئی جوان بھائیوں کا

بیٹی کے گھر سے بھاگنے کی خبر جوں ہی محلے میں پھیلی کئی طرح کی باتیں ہوناشروع ہو گئیں ۔ جو ان بھائیوں کا گھر سے باہر نکلنا محال ہو گیا ۔ رشتے داروں نے منہ پھیر لیا ۔ والدین بیٹی کے غم میں نڈھال تو دوسری جانب لوگوں کی چھتی باتوں سے روز مرتے اور روز جیتے تھے ۔

آخر کار گھر بدلنے کا فیصلہ کر لیا اور وہ گھر بیچ کر انجان لوگوں میں گھر لے لیا ۔ مگر والد کا دل نہیں چاہار ہا تھا وہاں سے جانے کو اسے اپنی بیٹی کا انتظار تھا ۔ بہت کہنے کے باوجود وہ وہیں ایک چھوٹی سی جھونپڑی میں پڑارہتا ۔

کئی ماہ گزر گئے ایک دن ایک پھٹے پرانے کپڑوں والی مریش لڑکی کے رونے کی آواز سے ان کی آنکھ کھل گئی ۔ کچھ دیر تک تو وہ پہچان نہیں پایا کہ وہ کون ہے مگر جب چہرے سے کپڑا ہٹایا تو اپنی ہی بیٹی کو پاؤں میں پڑا پایا ۔

وہ مسلسل زارو قطار روۓ جارہی تھی اور بہت کہنے کے باوجود بھی وہ اپنے والد سے نظر میں نہیں ملا پائی ۔ رسوائی اور ذلت کی جس آگ میں وہ اپنے والدین کو جھونک کر گئی تھی اس کے بعد تو شاید وہ بھی ایک پل کو جی نہیں پائی تھی ۔

معلوم ہوا کہ جس کے ساتھ بھاگ کر شادی کی انہوں نے کئی طرح کے نقص نکال کر آخر گھر سے دھکے دے کر نکال دیا ۔ یہ واقعہ ہماری ایک پڑوسن نے گزشتہ دنوں کے گھر سے بھاگنے والی نجمہ کے حوالے سے سنایا ۔

ہمارے معاشرے میں آئے دن ایسی داستانیں سننے کو ملتی ہیں ایک لڑکا اور لڑکی جو کہ زیاد تر سٹوڈنٹ ہوتے ہیں ایک دوسرے کو پسند کرنے لگتے ہیں

پھر اگر لڑکی یالڑ کے کے گھر والوں کی رضا مندی نہ ہو تو کورٹ میرج کر لی جاتی ہے مجھے ان لڑکیوں پر بہت حیرت ہوتی ہے جو کسی غیر شخص کے لئے اپنے ماں باپ کو دکھ دیتی ہیں اور کورٹ میں جا کر شادی کر لیتی ہیں ، وہ بھی اس معاشرے میں ۔

انہوں نے کبھی سوچا ہے کہ اس واقعہ کہ بعد ان کے والدین کا کیا ہو گا ۔ لوگ ان کو کتنے طعنے دیں گے ۔ وہ لڑکیاں ایک میل کو سوچیں کیا ماں باپ نے یہ دن دیکھنے کے لئے اولاد کو پیدا کیا تھا ۔ ان کی پرورش کی ، کھلا یا پلایا ، اچھے سے اچھا لباس پہنایا ، تعلیم حاصل کرنے کا موقع دیا ۔

ہمارے اکثر گھرانوں میں ملازمہ افورڈ نہیں کی جاتی مائیں خود گھر کے سارے کام کرتی ہیں اور خوش ہوتیں ہیں کہ ان کی اولاد پڑھ رہی ہے ۔

لیکن وہ نہیں جانتی کہ ان کی بیٹی کسی ریسٹورینٹ میں بیٹھ کر اپنے نام نہاد عاشق کا انتظار کر رہی ہو گی ، یا کلاس چھوڑ کر اپنے بواۓ فرینڈ کے ساتھ پارکس میں گھوم رہی ہو گی اور مرد کا کام تو دھوکا دینا ہے ۔